Część 30

1. Actum in castro sanocensi sabbato post festum s. Micbaelis archangeli proximo anno Domini millesimo sexcentesimo sexagesimo primo. Ad officium et acta praesentia castrensia capitanealia sanocensia personaliter veniens nblis. Nicolaus Dobrzański in villa Dobra terrae sanocensis suae haeres, quam primum ipsi innotuit laudum conventus visnensis particularis non ita pridem in oppido Wiśnia die undecima Augusti anno praesenti millesimo sexcentesimo sexagesimo primo post determinationem comitiorum regni generalium varsaviensium celebrati, in tres terras palatinatus Russiae, leopoliensem, premisliensem et sanocensem, absente et inscia de tempore et die conventus plurrima nobilitate confectum et promulgatum, cum hocce laudum apertis et e diametro adversatur et contraveniatur statutis et constitutionibus regni vetustioribus et retentioribus, nomine totius nobilitatis palatinatus eiusdem Russiae insuper et nomine omnium nobilium incolarum totius regni officio praesenti solenniter protestatus est. 2. Quia hoc idem laudum visnense in multis contentis et clausulis ibidem appositis ultra facultatem per comitia regni attributam et quae tantum ad modum contribuendi ad peragenda iudicia fiscalia et ad excipiendas rationes ab exactoribus et retentoribus deniąue ut paci et securitati publicae absąue derogatione legum regni consulatur spectabat et non ultra concessum, primum contra mentem earundem constitutionum easdem constitutiones alterat et involvit, siąuidem contributiones ąuinąuaginta per rątas trinas pendendas immittat et ex hisce tribus debitum quodcunque mfci. Sigismundi de Pleszowice Fredro cas'ellani sanocensis per rempublicam contractum, contra sancitum constitutionum, quae easdem contributiones quinquaginta tantum pro solutione stipendiorum militiae regni debitorum, non vero pro exolvendis debitis quibusvis, licet et senatus consultum vel sacra regia maiestas una cum senatus consilio aliter disponere velit, in commissione futura solvendas et Leopolim transvehendas praecipiunt, hoc idem laudum aliter disponit et contributiones tres ex quiquaginta in exolvendum debitum mfci. castellani sanocensis seiunxit et avulsit. 3. Ad haec hoc idem laudum nullam mentionem fecit contributionis ducillaris terrarum leopoliensis, premisliensis et sanocensis et quae contributio ducillaris tantum in solutionem stipendiorum militiae regni ex praescripto constitutionum regni recentiorum, non vero in privatos quosvis usu3 terrarum vel in largitiones quascunque cedere et converti debebat, tum quod eadem contributio ducillaris non debeat iungi et annecti in supplementum agrariarum contributionum verum seorsivo modo et distracto ad fiscum regni in solutionem militiae et pro necessitatibus bellicis importari debet. 4. Deinceps in eodem laudo praetermissae sunt octo contributiones agrariae cum abiuratis antę comitia regni proxime praeterita in anno millesimo sexcentesimo sexagesimo mensę Seplembri et ulterioribus mensibus per gsum. Ioannem Dzięciołowski exactae et in quatuor tantum contributiones conversae, pro diversis necessitatibus bellicis et reipublicae iu conventu visnensi anno proxime transacto laudatae. 5. Praeterea in eodem laudo omissa et praeterita est contribucio lanealis, per florenos decem a quolibet laneo a nobilitate tota terrae sanocensis et ex omnibus bonis regiae maiestatis et spiritualium per gsum. Petrum Krasowski pro hibernis militaribus et ut terra sanocensis a crebra transitione militum et vexillorum militarium atque a stativis militaribus, ita prout a regia maiestate et ab illustrissimis exercituum ducibus assecuratum fuerat exacta et extradita ita et per modernas constitutiones anni praesentis millesimi sexenlesimi sexagesimi primi una cum contributionibus lanealibus seu agrariis octo cum abiuratis per terram sanocensem extraditis pro commissione geuerali proxime ventura Leopolim in solutionem stipendiorum militiae regni iinportari demandatorum. 6. Porro idem laudum in diminutionem solutionis stipendiorum militarium, anteriores retentas contributiorum regni per quoscumque exactores regni eousąue ad thesaurum regni non importatarum in supplementum recentium contributionum contra mentem constitutionum implicat, intrudit et involvit siąuidem anteriores omnes retentas contributiones seu illae sunt agrariae seu ducillares ex praescripto omnium constitutionum non nisi pro omnibus debitis et stipendiis antiąuioribus et recentioribus militiae tentis sunt dudum assignatae et eaedem retentae omnes contributiones ad coaeąuationem omnium contributionum ab annis decem citra vel ultra exactarum permanent ita, ut quidquid retentorum in quocunque palatinatu terra et districtu apud exactores possessionatos vel impossessionatos tum etiam apud privatos nobiles et incolas regni ad solvendum ex coaequatione et computatione generali in comitiis regni fienda apparuerit vel emerserit, eadem omnia retenta omnesque summae contributionales retentae ad quemvis palatinatum sive terras etiam oppida solvenda videbunt et a palatinatibus per fiscum regni, denique per militiam regni vindicabuntur proindae eaedem contributiones retentae in novas contributiones supplendas neutiquam intrudi possunt. 7. Ad haec summa ad fiscum regni pertinens villae Lobozew olim gsi. Alexandri Bonifacii Żurowski exactoris terrae sanocensis per executionem capitanealem thezauro regni applicatae et in possessionem fisco traditae et a facta executione modico tempore nempe per dimidium anni ad collectionem tantum crescentiarum per oeconomum illustris et mfci. Francisci de Magna Kunczyce Mniszek castellani sandecenses capitanei protunc sanocensis administratoris denique iure quaesito eidem mfco. castellano per gsum. Stanislaum Mrowiński gladiferum preroisliensem violenter sub specie cuiusdam quasi ipsi a thesauro demandatae administrationis tentae et ad hoc usque tempus, nescitur quo iuris titulo in manibus gsi. Ioannis Dzięciołowski antę hac exactoris sanocensis absque quavis solutione et importatione proventuum ad thesaurum regni permanentis, quod eiusdem summae fiscalis quatuor millium florenorum polonicalium vel ultra excedentis hoc idem laudum minus sufficientem mentionem fecit. Eadem vero summa vel bona non nisi exolutione totalis summae et proventuum ad fiscum retentorum exonerari debent vel possunt. 8. Porro hocce laudum adversatur vetustis statutis et constitutionibus regni de iurisdictione authoritate et potestate capitaneali sancitis, quibus primo et principaliter capitaneis, iurisdictionem et iudicia transeuntibus, tanquam brachio regali pax et securitas publica providenda, viarum publicarum immunitas, domorum nobilium et quarumvis personarum securitas in manus eorundem capitaneorum data, denique in latrones et praedones publicos atque nocturnos per iura regni absque quavis exceptione animadversio rigorosa desuper custodia quoque et vigilia publica iisdem capitaneis commissa, hocce laudum in suppressionem statutorum et constitutionum regni et in enervationem iurisdictionis iudicialis capitanealis in iuribus regni fundatae, exclusis quasi capitaneis, nonnullis personis custodiae et vigiliae publicae atque capturae praedonum eiusmodi functionem committere praesumpsit. 9. Denique iudicia fiscalia in Sanok recenter vigore eiusdem laudi seu etiam authoritate constitutionum regni novellarum anni praesentis celebrata ullam firmitatem habere neque subsistere possunt ex eo, quod plenus numerus iudicum iuxta dispositionem anteriorum constitutionum iisdem iudiciis iudicandis non interfuerat. Qui vero iudices seu deputali haecce iudicia exercebant, ea iudicia absąue iuramenlis tractarunt. Insuper antę hac functionem exactorialem gerentes sesse iisdem iudiciis fiscajibus immittere non valebant. Ex praemissis itaque violentis rationibus, quod hocce laudum evidenter pugnet cum statutis et constitutionibus regni quodque reipublicae sit damnosum, iudicia quoque minus firma sunt, idem qui supra protestans nomine totius nobilitatis regni et potissimum nomine totius nobilitatis palatinatus Russiae officio praesenti iterum atque iterum protestatur. Castr. San. Rei 173 p. 1664-1668.