евскому за всякіе шинкп ратушные мѣскіе и за перевузъ на Днѣпрѣ кіевскій двадцать тысачеи и чтире тысяча; а коли-колвекъ воевода кіев¬ скій принхалъ въ Кіевъ, а въѣзжалъ завше многолюдно, то мещане кіевскіе повинны были три дни его стравоваты зо всѣмъ его поиздомъ. И тое добре знаю, що помѣрное, которое брано отъ всякой пашнѣ и муки, ишло на кляшторъ доминѣканскій, и комора тая въ которой чверти помѣрніи ховано (бо въ той часъ нѣ дойницями, але чвертями мѣрано пашню и муку) недалеко костела, а ведля тоеи комори склепъ былъ Доминѣканскіи, въ которомъ завше медъ Домивѣканскіи шинковано гарнецъ по десять осмаковъ. А десятину рибвую зъ рибного торгу бырали ксендзы Барнадини. И тое добре знаю, ще до слободы Преварки жадного дѣла а нѣ мещане кіевскіе, а нѣ хто нншій не мѣли, тилко сами ксендзи доминѣкане, бо они самы тую сло¬ боду на грунтѣ своемъ осадили. И тое знаю, що до хутора Осетщина названого нѣ хто иншій дѣла не мѣлъ, тилко самъ староста мѣстечка въ Кіевѣ быскупскаго назвискомъ Осецкій, которій Осецкій въ томъ мѣстечку и мешкалъ. И тое знаю, що до мѣстечка быскупского кіевского жадной владзи а нѣ мещане Кіевскіе, а нѣ хто иншій не мѣлъ, тылко самъ ксендзъ быскупъ кіевскій, и тамъ держалъ старосту сво¬ его вышменованного Осецкого. В томъ бѣску пекомъ местечку и свои торга и коморы торговіи были, і аренда быскупля тамъ была, арендаръ былъ жидъ Сахно. А тое добре вѣдаю, що мещане кіевскій не мѣли жадного нриступу волного до лѣсовъ и до сѣножатей и до озеръ Вышегородскихъ... И тое добре знаю, же жадного приступу волного не мѣли мѣщане кіевскіе до жаднихъ добръ всѣхъ монастырей кіевскихь, которіе добра около Кіева лежатъ, лѣсніе и половіе и водяніи и сѣнніе, тамъ тежъ не мѣли жадного приступу волного мещане кіевскіе до жаднихъ добръ костельнихъ и шляхецкихъ, которіе добра свои мѣли около Кіева неподалеку, а королѣ Польскій, яко несамодержцы, немогли добръ шляхецкехъ церковникъ и костельнихъ отимовати и кому иному даваты, тилко свои кролевскіе, и то за високіе прислуга в речи посполитой и у маестату Кро.іевскаго; зачимъ панове мещане Кіевскіе если маютъ писмо короля Жигмонта третого (за которимъ писмомъ волво би имъ за пять миль около Кіева добръ костелнихъ и церковнихъ и шляхец¬ кихъ заживати то есть лѣеи рубити, поля пахаты, рибы ловити, сѣна коенты), хиба въ тѣсномъ кутѣ где ховали, але указати того права и тихъ добръ заживати жадною мѣрою имъ неволно было и страшно.
ПРИЛОЖЕНІЕ.